- 63 -

1318. März 23. Liegnitz.

Herzog Boleslaus gestattet der Stadt die Errichtung von 9 Brotbänken und 1 Schuhbank, den Bau eines Rathhauses auf dem Markt und den anderer Gebäude aller Orten nach Ermessen des Rathes; er spricht sich und seinen Nachkommen das Recht ab, in der Stadt oder deren Weichbild, oder in einer neuen Stadt Brot- oder Schuhbänke aussetzen zu dürfen.

In nomine domini amen. Cunctorum perit memoria factorum, nisi scripti testimonio et testium aminiculo fuerint roborata, nos itaque Boleslaus dei gracia dux Slesie et dominus in Legnicz ad vniuersorum, tam presencium quam futurorum, communem noticiam presenti tenore volumus deuenire, quod prehabito maturo nostrorum baronum consilio, inspectis multis et fidelibus nostrorum ciuium in Legnicz seruicijs, que nobis multipliciter exhibuerunt et adhuc nobis impendere poterunt in futurum, dictis ciuibus novem staciones panis, non priuilegiatas a nostris antecessoribus, alijs premissis stacionibus panis appositas in Legnicz ad perpetuam firmitatem presenti priuilegio confirmamus, insuper predictis nostris ciuibus nostre ciuitatis Legnicensis damus et concedimus vnum pretorium, dum ipsis facultas fuerit construendi in foro Legnicensi in eoque et super ipsum et ad ipsum pretorium edificandi, quicquid ipsis conueniencius pro vtilitate et commodo ciuitatis videbitur, nostrum plenum fauorem et omnimodam voluntatem. Preterea dictis ciuibus damus plenam licenciam et fauorem edificandi, construendi et faciendi, quicquid poterint census. vtilitatis, vsufructus pro comodo ciuitatis, in foro, in fossatis, in pascuis, in Gayo et in alijs metis et terminis ciuitatis. Super quo eciam quicquid dicti nostri ciues Legnicenses census, vtilitatis ciuitati efficere, comparare et facere poterint, in examinatorio, in libra et in domo rasoris pannorum ciuitatis ipsis adhibemus nostram omnimodam voluntatem perpetuam et fauorem consentimus, admittimus et fauemus dictis ciuibus, vt duas staciones sutorias alijs in ciuitate prehabitis construant et apponant. Premittimus eciam et spondemus prescriptis ciuibus, vt ammodo et nunquam alias seu aliquales staciones locare, construere non debeamus in ciuitate nec in preurbio, nec inter metas ciuitatis, nec eciam in noua ciuitate, si qua ex nouo locaretur seu exponeretur, nisi enim cum dictorum nostrorum ciuium in Legnicz consilio et assensu. Vt autem hec omnia prescripta a nobis et a nostris successoribus inuiolabiliter obseruentur in robur perpetue firmitatis presens scriptum fieri et nostri sigilli appensione iussimus insigniri. Actum et datum in Legnicz, anno domini MCCC° decimo octavo, presentibus testibus subnotatis, videlicet Heinrico de Sylicz, Albertho Bavaro, Hartungo dicto Kule, Johanne de Rymberg, Nicolao Olaw, iudice curie nostre Legnicensis et Heymanno de Woycechsdorff, ciue Wratisl. et Johanne Clauigeri, nostro notario, qui presencia ad scribendum habuit in commisso, feria quinta post diem dominicam, qua cantatur reminiscere.

O. d. St. L. No. 22. Die Schrift ist sehr verblichen, Siegel und Schnur fehlen. — Altes Privilegb. p. 9. — Bitschens Privilegb. f. LXXXIV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866